Abu k Naam Khat by Naaz sent by Zara Haleem

I was searching something for fathers day and I came across this letter and felt I should share it to others from MM.Hope you will post it.

Abu k Naam Khat

Piyarey Abu...!

Kaise hain app ? Mujhe pata hai app jaha hain bhot khush Hain hiana ? App Se Ab Khawabon Main Mulakat hote hai...Abu Is Lafz Abu main kitni shafqat bhari hue hia...Jin Ke Abu nahi hote inko is baat ka ehsas zaida hota hia Ke Abu kehne se Mooh main kitni mithas ghul jate hia...Aj jab dosre logon ke Abu Dekhti hon tu aik hasrat si dil main ubhar jate hia ke Kassh Mere bhi Abu hote...Ab Main kis ko Abu keh ker Bulao ? Main in se Dhairo baatain kiya karti ...Ab jab ke Sub bahen bhai shadi shuda hochuke hain...or sub apni apni zindagiou main magan hian..aise main Abu agar aj app hote tu Mera or Ami ka waqt bhot acha guzarta....Aj Jo hum aik kami bhot mehsos karte hain...wo shayad pori hojate App ke hone Se.

Haan App ki tasver dekh ker Abu kehti hon Tu bhot ajeeb lagta hai najanye ku ?

Pata Hai Abu Abhi 3 din phele hum market gaye th...Ami ne App ki pasand ka he Soat liya (Pink) Ap ko bhot pasand tha na Yeh Color...Ami Batate hain....Ap ne hamesha inhe Pink color ka soat he laker deya hai...Abu ami kehti nahi hian...leken wo app ki kami kitni mehsos karti hian...yeh hum mian se koi nahi samaj sakta...!

Maine tu bhot kam ap ka sath dekha ...Jab hosh sanbhala sahe tarah tu app bemar hogaye or phir 9Saal bemari main he guzar gaye..Kitni badnaseb hona main Abu ke App se Baatin bhi na karsake ke Bemari ne app per hamla bhi kya tu zuban per ke app kabhi hamain koi Apni taklef bata he na sakain...!

Aahhhh Mere Piyarey Abu Najaney app kitni he baatain apne dil main leker chale gaye ...Ap ke akhri waqt main ..mian ap ke pass thi...Leken apno ko dekh ker Suna hia ke jan nahi nikal pate kabhi kabhi...yehe hua tha is waqt bhi ke App...!

Bus is se agey likhne ki himat nahi horahe ke is Karb ko alfazon main nahi dhal sakti...!

Aj bus aise he Abu app ko khat likhne ka dil chaha...Yeh batane ko ke...App ki beti app ko yaad karti hia...or pata hai kiya Abu is zamane ki sard-o-garam hawaon mian kabhi bhot dil chahta hai ke mere bhi Abu hote...Aj mujhe logon ki nazro se bacha lete...Bhia bhi baap jaise he hote hian ...leken wo baap jaise hote hain baap nahi hote...Abu Bhai bhot khayal rakhte hian...Leken Kabhi kabhi kuch aisa hojata hai ke is waqt aagr app hote tu kabhi koi ungli na utha pata...!

chalye Abu ab ami bula rahe hian...Mian jarahe hon...Yeh Khat Main phar dongi ke Koi or na parh sake...App Ko Bhej Nahi Sakti Ke Jaha App Hain waha Koi Dakiya Nahi jata...Aur jo aik bar chala jaye wo wapis nahi Ata.

Allah hafiz

App Ki Guriya

Miss Zara we are posting it but kindly send us the url from where you copied it if possible.

Regards Magnificent Memons