Writing Competition -"Kharadar Se Tariq Road Tak" by Aamir Attara

Kharadar se Tariq Road

Hakri dafa ji galh aaye, Iqbal bha potay ji ghar wari(wife) Jora bai k eid ja lugra(kapray) dairal lai tariq road kothi winan jo sochiya. Ramzan ji 26 raat wi, inye jo ghar jo kharadar men ho, raat 10 wagay hutay se nikriya. ghar je neechay gadi(car) men wahn se pehle Jora bai Iqbal bha k chui k aain sajhi ramzan men hakyar b mikay charan batata(aalu cholay) nahi kharaya, telaye harain aj mikay pehle kharayo pachi paan bazar winaye. Iqbal bha mooh waka chuka kari ne Saleem cholay waray ji raikri se hakri plate men bo(2) chamcha wijhai ne kharin aawa. Jora bai jo b mooh sairain(saalan) jero thi wiyo hakri plate narhi ne.


Anna raste men waah k jora bai chui k aain hitre zamanay baad mikay ki kharaya b tan ehro taiz kharaya k mijho mooh anna tak bari riyo aai, harain mikay keen thado pirayo jaldi se. Iqbal bha k gusso aawo ne chuwa k een kar mikay kapi ne mijho khoon pi win takay tokay thadak thiye. Jori bai chup kari ne mooh fariye gini.

Jeen teen Tariq road te pujya ne gadi(car) ubhi kari ne halan mandia, rush men Iqbal bhai taiz hali riya wa thori waar baad wasay nariya tan Jora bai na disarin. Boin hakre biye k goti goti ne thaki wiya. Jora bai tan runu shuru thi wi, hitri waar men bo chokra narhi ne chuwa k aunty aain samne Police warain k cho k Ailaan karan k Iqbal bha jitay b hoon achi winan. Jora bai anna police waray watay wini ri wi k samne se iqbal bha disai wiya, watay(nazdeek) hakro marho he badhain disi ne khilne khilne iqbal bha k chui "Bagal men bacho ne gaam men dhindhoro". Badhain bhaira khili piya ne wapis shopping centre ji taraf halan mandia.

Jora bai hali hali ne thaki wi ne iqbal bha k chui k "anna kitri dour wino aai, saamay(saamne) hitri dukano een hutay se dairai diyo na".
Iqbal bha chuwa k "toon hamasha so(100) ja sath(60) aj karij, tokay khabar aai ee wadi wadi dukain men har cheej mohangi milay ti"
Jora bai : "warh(saal) men hakyar mikay bajar(bazar) gini ne aawya yo ne hida bhi aain k bachat karni aai, mikay ki naye khapno, halo pachaa halo garay".
Iqbal bha (thoro sochiya ne): "halo jo jitay se khapay toh mikay batar jaldi se."
Jora bai: "jaldi se ko?"
Iqbal bha: "In se pehle k aaon pacho irado badli gina toon jaldi gini gin jo jo khapay."
Jora Bai: (khili ne) aain b na saoo ki....
Iqbal bha: (akhyon daikhari ne) Aaon kuro?
Jora Bai: (khili ne) Baho sara yo

Lugra gini ne Iqbal bha jora bai k gini ne Dhoraji Colony gini wiya ne Golo(Gola Ganda) kharaya. Golo khaine khaine Iqbal bha pochiya, "pait bharai wiyo? harain sehri ne ni karain na jora?" Jora bai jawab dini "haa haa aain chuna tan eid sudi ki ni khiyan" Boin khili piya ne pachi khushi khushi garay hali wiya.